陶大宇張慧儀「復合」密斟
港星陶大宇和張慧儀最近聲演內地劇《隋唐演義》，十多年前他倆在電視劇《影城大亨》中合演夫妻，至今再重逢，雙方除了有說不完的話題，亦互相驚訝對方的外貌多年沒有多大變化。成功戒煙的大宇，中氣十足地於兩日內完成密室配音工作，笑言：「多啲嚟密啲口！」
陶大宇和張慧儀最近為一套將於7月底在內地播出的劇集《隋唐演義》聲演角色配音，大宇聲演戲中主角李世民，慧儀則聲演蕭美娘一角，因角色佔戲重，二人要埋首「苦讀」多日才進行配音。
大宇說：「全日要不停講對白，少啲氣都應付唔嚟，為咗養聲事前我用蜜糖滋潤吓。不過，最奏效都係成功戒咗煙，氣管暢順唔少，所以聲演完全冇難度，多啲嚟密啲口！」中氣十足的他配音後還「有氣」與慧儀詳談近況，傾個不停，得知她在內地經商，又與養子相依為命，對她憑一人之力，公、私安排妥當大為欣賞。
合作仍有默契
至於再返電視圈的慧儀，憑早前播出的劇集《女人俱樂部》重拾人氣，今次又擔任配音工作，令她感覺良好：「我同大宇同場口一齊配嘅對白唔算太多，配音唔算辛苦，偶然做吓都幾有趣。我哋各自完成配音後，先有機會同大班劇組人一齊食飯傾談，咁多年冇見，見到當然有講唔完嘅話題。（同大宇合作有默契？）有呀，一場戲要我被推跌，大宇幫我交反應，效果好正！」
文：影視組