無綫藝員關宛珊（Kimmy）最近常為不同場合任司儀、表演唱歌，舞台經驗豐富，提到做主持的難忘事，她指有次工作人員未有通知表演嘉賓上台，令現場出現Dead Air，Kimmy即執生拖時間：「即時搞氣氛同諗嘢講，好似變咗個人talk show咁，好緊張，但成功過關！」為令口才更好，Kimmy會到不同活動場合偷師：「我會坐埋Corner睇騷，睇下唔同類型司儀嘅風格，記得森美講過，佢反應唔係特別快，只係經驗累積返嚟。最近撞番幾年冇見嘅朋友，都讚我講嘢淡定咗。」
