陳嘉桓芭比裝 行紅地氈
現年22歲的陳嘉桓（Rose）仍是大細路一名，早前便被拍得在玩具店狂掃芭比公仔，她笑言一向都是芭比粉絲，早前去上海宣傳電影，剛巧訂造的晚裝與芭比衫類似，Rose原想捧着芭比行紅地氈，但最終被劇組阻止，不想她太孩子氣！
Rose近年不斷挑戰自己，於電影《販賣．愛》中飾演援交少女，演出教人眼前一亮。該片更於巴塞隆拿國際電影節中，獲得「最佳剪接」獎，認真可喜可賀！雖然事業上成功破格，但現實中，22歲的Rose仍是大細路一名，早前更被拍得於玩具店狂掃芭比公仔，被笑「大唔透」！
認大唔透 在外國訂購
Rose對此笑言：「係呀，我一路都有儲芭比公仔，覺得好靚，咁啱上次去上海宣傳新戲《男人唔可以窮》時，有一件晚裝同我其中一個芭比着嘅裙係一樣咁滯，我仲想捧着芭比去行紅地氈，但劇組唔想我咁小朋友，所以唔畀我攞住，之後我都有喺後台影番相留念。」陳嘉桓直言儲芭比公仔已有一段時間，屋企有十幾個，還有一些在外國訂購中，問她會否想好似芭比公仔咁好身形，她笑言：「當然想，但無佢咁瘦囉！」
文：影視組