黃心穎着三點式要減肥
藝人黃心穎昨日於尖沙咀出席無綫《Amazing Summer 玩轉暑假熱爆Fun》記者會，指自己有份着夏日裙拍宣傳片，問到為何不是以水着示人？她表示：「公司都冇要求，如果公司要我着，我會肯o架！不過要三個星期準備。（準備咩？）要減肥呀！拍旅遊節目返嚟我重咗至少五磅！」
對於接演泳衣Show，心穎更一度怕暴露而推掉：「只要形象健康唔介意，（接受三點式？）接受，其實三點式靚過一件頭啦！（對自己身材邊部分唔滿意？」最唔滿意自己手臂好易肥，但減手臂會連胸都減埋！」最近接拍無綫新劇《華麗轉身》的心穎稱稍後會到台灣拍外景，她坦言期待向汪明荃及劉松仁兩位前輩學習。