蔡一傑驚訝：未聯絡到佢
張耀揚於北京被捕，作為其同性密友歌手蔡一傑及好友吳啟華和謝天華等均表示驚訝，其中蔡一傑昨表示：「身為朋友都為佢擔心！（取得聯絡？）暫時未聯絡到佢，我都會密切留意新聞進展，但係如果真係有呢種不良習慣的確唔啱，如果記者朋友聯絡到佢，知道佢狀況，都可以通知我！」
吳啟華則表示與張耀揚係好朋友：「據我所知佢唔係吸毒嘅人，希望係誤會一場，唔好上癮！（點幫佢？）會搵佢睇吓有咩可以幫到手。」
謝天華於今年初曾獲對方之邀，出席澳門一個集團的春茗：「好驚訝！始終有個朋友喺大陸發生咁嘅事，不過人生裏面總會做咗一、兩件錯事，重點係事後點樣改番好。」而合作過電影《無間道II》的余文樂則說：「其實做邊行都會有壓力，但要愛惜自己，有好多渠道可以抒發，犯法嘢真係唔可以做。」洪欣則稱久未合作並不相熟：「我都有教個仔正面資訊，朋友引誘你，叫佢唔好樣樣試。」
