蔡李惠莉8位數開教育城
玩具大王蔡志明太太蔡李惠莉醉心教育工作，投資8位數字，與Harry哥哥（王者匡）合力打造以主題公園為概念的KIDO Town教育城。蔡太說：「係一站式嘅學習中心，小朋友可以喺度開開心心學習之餘，家長又唔使周圍撲。」Harry哥哥則指教育城是其夢想：「我有咁嘅諗法，但無咁嘅能力，蔡太真係好有心做教育。」
而蔡太的三名子女蔡加敏（Carmen）、蔡加怡和蔡加讚亦十分支持計劃。Carmen的囡囡Chelsi和囝囝Mason亦已報名上暑期班：「Chelsi好鍾意Art同跳舞，Mason就鍾意砌積木同玩車。佢哋一星期會返5日，試多啲唔同嘅嘢。（怪獸家長？）嘗試唔係，會放鬆啲，唔想逼得太緊。囡囡嚟緊升小學都會畀佢讀Local School，試下本地教育先，第時如果想去外國升學都會畀佢去，但起碼要中學，我會掛住佢。」
