JC酒量差 醉易失身

JC自言半杯啤酒即醉，聞酒後失身即掩嘴避談，但就直認酒後易出事。

「警鐘胸」Jessica C.以Bra Top短褲，頭戴花圈可愛look出席澳門新濠天地SPLASH池畔派對，現場有DJ打碟，不少性感比堅尼女郎及健碩男士，十分吸晴，場面墟冚。JC被問到為何不以比堅尼上陣，她笑言：「因人太多，咁着安全啲，我之前都參加過，好鍾意呢啲場合，有音樂又可以係池邊跳舞，好好玩。」她又指不會在香港或澳門裸泳，但若將來度蜜月，會選擇私人小島，屆時則可來個大解放裸泳。

向男友派定心丸

問到JC會否即場飲番兩杯，她謂：「會飲少少，但自己唔飲得，半杯啤酒就會醉。」她又自爆與男友在酒吧相識，但男友不飲酒，所以如果與他一齊就不會怕醉，雖然今日男友唔喺身邊，但她會傳相畀男友睇，大派定心丸。JC更透露飲醉後會跳舞、食嘢及瞓覺，但不會喊，她說：「飲醉後我都幾討厭，會好躁，試過爬上枱跳舞。」問到有冇試過飲醉失身？她即掩嘴迴避問題，續說：「我都唔知點講，都覺飲完酒好易做錯事，有試過跳舞時有男士埋身，但會當睇唔到同避開佢。」

JC與師妹陳瑞瑩昨日齊齊參與池畔派對，場面墟冚。	放大圖片	陳瑞瑩自言是beach girl，最愛陽光與海灘。

同場，還有師妹陳瑞瑩（Helena）及男友Andrew，她表示第一次參加澳門池畔派對。