Yumi否認曾產子：一直食避孕藥

擁有33C上圍的尹蓁晞，於2008年加盟大名娛樂即獲力捧，之後被解約，並到台灣謀出路，本報於2011年踢爆她秘密與台灣「有米」男模蔣鍇儒「閃婚」，當時Yumi故弄玄虛回應說：「有咩？」同年9月網上流傳Yumi懷孕8個月的相，至去年初Yumi返港，即在室友蕊蕊手上強搶周秀娜舊愛陳偉成。

Avis唔提過去

近日有傳Yumi曾於台灣結婚兼秘密產子，之後離婚，Yumi昨接受電話訪問時口窒窒說：「點解會傳啲咁嘢？冇結婚、冇離婚，亦冇生仔。（有冇落過仔？）從來冇，一直keep住食避孕藥。可能啲人唔抵得我事業OK中傷我。（你意思係周秀娜？）唔知，估唔到。（之前有張相你好似有咗？）條裙畀風吹起啫。」

陳偉成表示不會問Yumi的過去。（資料圖片）	仙樂都覺得好友Amy封胸不會很久。	王璐瑤出席世盃活動，當然要大騷身材。

對於Yumi的過去，Avis受訪時說：「從來冇過問，頭先佢有打畀我話記者問佢呢啲嘢，佢話唔係真。（介意佢過去？）相信佢，過咗去唔想再提。」在Facebook貼上與新歡親密照的蔣鍇儒，其經理人謂：「他已改名為金鍇儒，過去的事我們不方便回應。」

被指鍾意即興

Yumi室友、組合MVG成員Ivy昨晚稱不清楚Yumi離婚及產子的事：「咁私人嘅嘢，佢唔會同我講，同埋佢返嚟香港前，我都一直冇見過佢真人，直到佢話台灣辦證有問題，先返嚟香港，之後先見面。」Ivy又不排除Yumi會即興結婚：「佢鍾意即興，結婚都唔出奇。」

另外，Yumi前晚和仙樂都及王璐瑤等出席世盃活動，Yumi谷胸露bra、缽仔糕及nude bra扣現身，她指與男友已和舊公司解約。仙樂都提到好友、AD2的Amy又拆夥，她說不會與Amy組隊，更指Amy封胸不出一個月就會放棄。

文：音樂組