郭晉安攬萬綺雯 換妻重演婚禮
郭晉安（安仔）、萬綺雯（蚊蚊）和王祖藍前日在主題樂園拍攝無綫新劇《老表，你好Hea！》尾場兼食煞科飯，更與一眾演員開香檳預祝收視過50點。問到安仔在當年結婚場地拍結婚戲有否勾起回憶？在旁的蚊蚊笑言個個都這樣問安仔：「我喺側邊都聽咗幾十次！」而安仔笑言指婚禮程序與當年一模一樣，他說：「兩隻卡通人物話我結婚嗰時都係佢哋嚟！」
祖藍心動結婚
問蚊蚊當年婚禮是否如此夢幻？她笑言當年結婚好hea，並說：「嗰時係飛去Las Vegas，冇着婚紗，淨係着see-through白裙、涼鞋就咁結婚。」在大峽谷影結婚相的蚊蚊，被安仔笑指是去了石礦場，蚊蚊即笑住反擊：「拍戲好多時都係夢幻婚禮，我啲石礦場婚禮好少有！」
至於祖藍表示無綫好少拍畢尾場就即時食煞科飯：「平時我要畀好多o架，但真係估唔到主題樂園會幫我哋包咗十幾圍！」起初，他指今次只是來「試菜」，但之後不諱言都心動想結婚。
文：影視組