鄭俊弘蔡思貝前後腳賀樂易玲
無綫高層樂易玲今天生日，昨晚提前於中環舉行派對，一眾藝人包括佘詩曼、胡杏兒、鍾嘉欣、高海寧、王君馨、岑麗香及樂小姐舊愛鍾鎮濤等到賀，不過愛將徐子珊未見現身。
阿佘送女性用品
壽星女開心透露生日願望是「香港繼續繁榮」，又說事前已叮囑大家不要準備生日禮物：「今次係我請食飯，我連酒都買埋，不過都有收到花。（Coffee話解約就快啲喎？）哎呀，呢啲嘢聽日先講。」阿佘到場時透露送上女性用品作生日禮物，因拍劇匆匆趕至的鍾嘉欣則「折現」，黃宗澤手持一名牌袋揚言「送上女人最鍾意嘅嘢」。無綫老闆陳國強到場逗留十五分鐘後離去。
緋聞男女鄭俊弘（Fred）及蔡思貝前後腳現身，Fred說與王浩信及經理人等夾份買禮物，提到蔡思貝，Fred說：「佢係朋友及同事。（佢嚟探你班？）嗰日冇見過。（姜麗文係過去式？）唔係，大家都係朋友。（話你一腳踏四船？）冇可能嘅事，我都等緊真命天女。」記者向蔡思貝提起Fred，她甜笑說：「大家誤會咗，真係唔係拍拖喎。」而樂易玲準備了漢堡包宴請門外採訪的記者。
文：影視組
