學友自認呷醋外父

張學友、呂方、鍾鎮濤等前晚為節目《杜德偉．巨星同學會》擔任嘉賓，學友坦言已有約五、六年沒有踏足TVB，問學友會否有意為無綫拍劇，他居然笑言：「好想呀，我未拍過劇！」問是否想嘗試？他說：「得閒咪試吓囉，（有乜打動到你？）冇乜，都係睇得唔得閒。（睇對手？）唔知呀。」

呂方戀情似有還無

提到7月10日是他的壽辰，學友講笑謂「有一年過一年」，學友透露會與家人吃飯，問會否跟朋友慶祝？他說：「唔搞啦，我都唔飲酒。（囡囡送乜？）佢都有問過我想要乜，我叫佢乖啲、改吓啲壞習慣，佢話盡力試吓啦，答得好官方。」

對於大女瑤華已14歲，學友坦言怕女兒拍拖不告訴他。（資料圖片）	王敏德女兒王麗嘉以此泳衣照做社交網站大頭相，惹來王敏德不滿。	杜德偉請來千嬅做節目嘉賓。

學友的大女已14歲，開始踏入青春期，問會否怕囡囡拍拖，學友說：「驚佢拍拖我唔知啫，知就冇乜所謂，（會阻止？）冇得阻，會勸吓佢囉，我哋見得人多嘛！」並謂希望將來女兒會帶男友回家讓他過目，問會否呷醋？他笑稱：「我會盡量唔表現出嚟，（過濾佢啲電話？）我唔會做呢啲，畀佢知道咪大件事！呢啲要佢心甘情願，（拍緊拖？）佢話未，佢唔會呃我。」

而呂方早前被《好報》踢爆與新歡「靚版嘟嘟」半同居兼買餸，他例牌否認戀情：「朋友咋，（唔係真命天子？）人生苦短呀，順其自然啦！唔知呀，似有似無啦，我覺得咁樣好開心。」不過他又表示不排除日後會閃婚。

馬詩慧力撐性感囡

此外，有指王敏德dislike細女王麗嘉用泳照做社交網站的大頭相，令女兒急急換相，王敏德太太馬詩慧昨說：「唔係吖，一啲都唔色情，人人都會着泳衣。（老公唔鍾意﹖）做老竇警覺性高啲，如果將來囡囡帶男友回家，佢都會審犯咁審。（細女身材樣貌適合做模特兒，會唔會畀佢做？）我同老公都好矛盾，我哋覺得佢啱做，佢呢個年紀做最啱，但囡囡已入波士頓嘅大學。我老公有時覺得個女適合，但如果做模特兒，應該去紐約發展。」

文：影視組