黃心穎遭狂迷攬腰
無綫藝人黃心穎、李佳芯、梁嘉琪及麥美恩昨日現身電視城拍無綫節目《學是學非放暑假》，心穎說：「今次拍一集一個鐘嘅節目，之前去咗泳池取景。（泳裝上陣？）冇，我驚個收視會好誇張！今次加入咗森美，我預咗把口唔夠佢講，預咗被佢窒。」對苟芸慧及張秀文在巴西遭球迷強吻、胸襲，心穎笑說：「之前同梁烈唯去日本拍旅遊節目，佢好規矩嘅！反而有幕講我要騎住隻牛餵飲奶，隻牛周圍郁搞到好尷尬。 如果我真係畀人蝦，我相信梁烈唯都會挺身而出救我。（有冇被人輕薄嘅經歷？）都有嘅，以前影合照有啲人會伸手攬腰，我後來識得移開，咁佢哋就意識到咩事。其實我搭車都會用手護胸。」
