劉俐裸狗傳愛被禁

擁有索爆34Ｃ靚Body的劉俐（藍莓），其處女寫真集將面世，屆時會與眾模特兒爭奪寫真女王寶座。早前藍莓赴泰國布吉拍三點式靚相，大晒誘人事業線，又有不同性感造型，包括變身芭蕾舞蹈員玩「腿張開」。

效法外國明星

藍莓為挑戰自己，亦手抱4歲愛犬SaSa影了一輯「全裸」相，而本報則獲得此輯照片，相中見藍莓大晒S纖腰行「股」惑，本來她想藉此造型令寫真集更有話題性，以及宣揚愛護動物訊息。然而，此相最後被淫審處列作二級不雅，藍莓經考慮後，惟有將「禁相」抽走。

劉俐化身芭蕾舞蹈員，做出優美動作。	放大圖片	24歲的劉俐趁青春拍攝寫真誘惑粉絲。

藍莓昨日接受電話訪問，她表示該輯全裸抱狗照是她的構思，全因她對早前內地舉行狗肉節強烈不滿，因此希望與愛犬影一輯相宣揚愛護動物訊息。她說：「我一路對虐狗甚至食狗嘅人都好反感，我成日都會寫微博叫大家唔好咁做，今次同SaSa影呢輯相，初頭冇諗過咁激，但真係想帶畀大家愛護動物訊息，我見好多外國明星都會咁影相宣揚愛護動物。」她更口快快自爆平日會與愛犬裸睡：「我晚晚都同SaSa瞓，（你裸睡？）一時時，屋企人都鬧我，話隻狗唔衞生，但我唔介意。」

未與家人商量

對於有關照片不獲淫審處通過，藍莓無奈說：「都有唔開心，因為我同攝影師付出好多心機，當日我黐好多膠紙，SaSa都出盡力望鏡頭。」問全裸上陣有何感受？藍莓笑說：「其實拍攝時我有着低褲，係後期製作執走變成全裸，我未接受到真正全裸。雖然已經好性感，但成件事係舒服。（家人支持？）屋企人不嬲管唔到我，我影呢輯相前冇同家人商量，相信媽咪知我想宣揚愛護動物，佢會接受。（出書有冇信心？）一定有，希望大賣，（留意對手？）有，我知好多模特兒會出寫真，但我覺得做好自己就夠，唔好同人比較。」

文：專案組