張智霖奉旨親熱財色兼收
Chilam「冧莊」代言美心月餅，日前他以帥氣西裝look到上環拍廣告。廣告商不僅重金禮聘Chilam續約，還安排幾位高挑美女為他「爭風呷醋」，現場所見Chilam與女模Angelina A.特別投契，鏡頭前後雞啄唔斷，其中一個shot他與靚女近距離深情對望，角度問題令二人驟眼似即場加插吻戲，氣氛火辣！
唔怕老婆呷醋
對於今次「艷福不淺」，Chilam笑說：「我同佢（Angelina）之前已合作過，咁啱佢喺澳洲長大，同我背景好似，大家咪傾多兩句，佢好nice。（唔怕老婆呷醋？）唔會，咁大個人，做嘢啫。」拍攝廣告當天，正值Chilam要出席表姐上山詩鈉的新店剪綵，廣告商聞訊即決定移船就磡，於附近包下餐廳開工，省卻他「舟車勞頓」。Chilam又笑謂：「唔係擦鞋，我覺得中秋節點都要食吓月餅。如果有時間，我都想自製機師燈籠送畀囝囝應吓節。」
與家輝打對台
演唱會綵排進入倒數階段，Chilam操肌成功卻被指過瘦，他笑說：「我不知幾精壯，依家一啲壓力都冇。（有信心捱到？）唔係捱，我會好好享受呢3晚嘅舞台演出。」頭場邀得張家輝擔任嘉賓，稍後二人卻「割席」，分別接拍賀歲片打對台，至於外傳他們將結片緣，最終因檔期問題，最快要順延至明年初才能成事。
文：影視組