霆鋒創世界紀錄 Eason濕身力撐

Eason（右）特地趕返港支持老友霆鋒，兩人還即場食雞蛋仔。

謝霆鋒的飲食節目《十二道鋒味》昨日來到香港站，為了搞搞新意思，他與香港青年聯會合作，找來3,000多名青年一同製作雞蛋仔，並拼出愛香港的字樣，本集嘉賓陳奕迅（Eason）、同公司的洪卓立、衞詩雅等也到場支持。要完成今次創舉絕不簡單，除了晨早8時到場準備食材外，更要參加者不停輪流用120部夾餅機做雞蛋仔。期間更是天公不作美，原本陽光普照的維園突然落暴雨，霆鋒和Eason即上台為一眾青年打氣，霆鋒大嗌：「頂埋佢好冇？有本事就落大啲！」

隨時合體扮Puffy

最後由世界紀錄協會的驗證官確定現場出席人數有3,008人，成功創造世界紀錄！霆鋒坦言想為香港出一分力，他說：「呢半年我去咗世界各地宣傳美食，冇理由唔宣傳香港美食。」他指自己嘗試整了很多底雞蛋仔，可惜一對兒子未有機會試食：「呢排唔算多見，我見Mani（霍汶希）最多，見到驚！」他又稱不會讓囝囝亮相節目，那前妻張栢芝呢？他笑言：「英皇咁大膽？唔講呢啲，點答你。」有傳他因片酬太高，故沒有拍《賭城風雲2》，他隨即否認。

霆鋒率3千多名青年製雞蛋仔創世界紀錄，並拼出「愛香港」的英文字樣。

烹飪技術了得的霆鋒落手落腳整雞蛋仔。

Eason為撐兄弟，從武漢返港即飛車到維園，他表示不會妒忌其他嘉賓到外地拍攝，又爆會到霆鋒曾讀的小學再拍攝。早前有傳霆鋒有意舉行演唱會，Eason踢爆對方閒時會在家彈結他，又有叫對方寫歌給自己：「仲未收到貨，不過有啲嘢值得等。」當提議兩人再扮日本組合Puffy，Eason笑言：「諗諗啦，佢唔肯啦我諗，唔好話佢，我都唔肯啊，等我瘦啲先！」

文：音樂組