愛瑪6年半工讀 畢業high爆

繼於《哈利波特》（Harry Potter）系列電影中的「霍格華茲」完成學業，愛瑪在現實生活亦完成學士學位，早於2009年入讀美國羅得島州布朗大學（Brown University）主修英國文學的她，幾年來因兼顧拍戲令畢業延期，上周日她與2000個學生齊齊出席畢業禮，除high爆晒自拍照，獲親友包括媽媽到場支持外，她又開心到於會場內不時微笑，大方轉身讓記者任影，隨後就上台領取畢業證書，離場時一度被風吹亂秀髮，場面搞笑。

同學相處無問題

一直有傳愛瑪初入學時受同學欺凌，又疑因知名度以及出身英國的關係而遭同學排擠，去年她分享校園生活時就表示：「返咗學咁耐冇人問我要簽名，之前舉行過近100個學生參加嘅派對，亦無人偷拍上載到互聯網。」似乎已與同學打成一片。

另一方面，「哈利仔」丹尼爾烈格夫（Daniel Radcliffe）與「榮恩」路拔格連（Rupert Grint）就人生如戲，前者忙拍戲要請老師到片場授課，最後未有上大學，而後者在16歲時為拍戲而輟學，他說：「我真的不太喜歡學校。」

此外，男星占基利（Jim Carrey）上周六亦於美國一間大學出席畢業禮，完成博士學位的他更向近千名師生演講。

文：外娛組