蕭正楠下體受創 拒搵翠如捽
蕭正楠於新劇中有多場打拳戲份，日前與陳志健對打，兩位「戰鬥格」般甚為認真，雖然蕭正楠 身上多處受傷，又被擊中下體，但坦言拍出來效果好，之前下的苦功總算有價值。問有否叫黃翠如替他捽藥酒，他笑言習慣男人捽，留待師傅幫他捽。
蕭正楠（Edwin）於劇集《商戰》中有多場打泰拳的戲份，日前Edwin就於廠內拍攝一場與陳志健（Otto）打擂台的戲，二人整副「戰鬥格」上陣，而冼灝英師傅亦在場指導及一起拍攝。其實開拍前，Edwin已跟冼師傅學打泰拳兩個多月，更吃得非常清淡，終練得一身肌肉。至於Otto之前跟太太到美國旅行，返來後即減磅，更於十日內地獄式狂操減了15磅，他們為了這套劇都非常認真。而監製羅永賢指Edwin拍這場戲完全搵命博，手手腳腳、頸都有瘀傷，更指他被打親下體。
唔敢飲水
蕭正楠接受訪問時，坦言拍前兩日都不敢飲太多水，怕影響身形，但拍了一round後已開始暈，被問到踢中下體，他笑言：「好多地方都被擊中，唔只下體，（咁有冇事？）仲健在，今次真係搏老命，吊威吔時都整親條腰，不過出嚟效果好好，真係好有滿足感。」（翠如肉赤？）冇同佢講呢啲，（有冇叫佢幫你捽？）唔使嘞！冼師傅同我捽得，男人捽慣啲。」
咀蔡思貝
而之前於《拳王》都演過拳手，現實生活中都好fit的Otto接受訪問時表示與蕭正楠拍攝時都很夾，Otto被問到對打時有否就住Edwin，他謂：「冇乜，一拍就認真，感覺會似啲，Edwin都操得好好，有六舊腹肌。」
另外，監製又透露蕭正楠於劇中與蔡思貝飾演一對，二人日前更於廠內拍了咀戲，這次更是思貝的螢幕初吻，監製都大讚她專業。提到這場咀戲，蕭正楠笑言自己少拍咀戲，不知是否算專業，但就大讚思貝學嘢快。
文：影視組