楊怡愛心湯防中暑
無綫花旦楊怡及高海寧（高Ling）昨日到九龍塘為新劇《天眼》拍外景，兩人在逾三十度高溫下開工，熱得周身汗，楊怡表示幸好有母親的消暑冬瓜靚湯以防中暑：「都捱得住，寧願熱好過落雨，落雨會拖慢進度。（有動作戲嗎？）我就冇乜，鄭嘉穎辛苦啲，要落水救我。」
高Ling表示角色烏龍似足自己，並指自己不怕熱但怕蚊，最近開工已被蚊狂叮，令美腿留痕。提到夏天或會接泳衣騷，高Ling表示正學打泰拳練馬甲線，令身材更Perfect，會否收更貴？她笑說：「我不嬲收得唔平喎！其實我唔知價錢，係公司負責，見到糧單先知。」
