Kary內地握手險傷
吳雨霏（Kary）昨晚為新碟舉行影相會，與歌迷有近距離接觸，玩自拍即影即有及簽碟，有粉絲送上自製的巨型相牌。對於日本女團AKB48有成員在握手會被狂徒斬傷，Kary表示不知情：「好得人驚，可能有歌迷太瘋狂，但我啲歌迷好怕醜，有時都想佢哋踴躍啲。出活動好難避免，惟有留意吓有冇人行為古怪。」
Kary表示每次出活動都有一班同事陪伴，加上香港粉絲有規矩，所以會工作時相當安心，但她謂：「上星期返內地做嘢，同歌迷握手時差啲整親，可能太耐冇見，捉得我好緊。」問可會送新碟給舊愛余文樂？她說：「會叫所有朋友買，唔會送，因為唱片市道唔好。」
對於AKB成員受襲，向來親民的林峯得聞亦表關心，其經理人昨受訪時指林峯仍會與粉絲近距離接觸：「其實阿峯嘅粉絲係女仔多，個個都斯文，只要保安做足，相信唔會有問題。但曾經喺內地嘅活動有粉絲逼爆玻璃，自此喺呢類公開活動，我都要求主辦方有足夠保安，阿峯早排嘅廣州活動，就有近300保安。」台灣歌手羅志祥亦對事件感震驚：「我出席活動時會留意民眾舉動，首先會觀察他們的肩膀，若有大動作可從肩膀看出動向。」