馬國明宣傳no show 導演撐腰
「男神」馬國明一向甚有觀眾緣，早前他更衝出電視圈殺入影壇，拍攝陳勳奇執導電影《緣來是遊戲》，該片將在內地上映，一班演員內地藝人孫堅、林芮西、香港藝人溫碧霞、陳勳奇女兒雨書等將為電影作巡迴宣傳，而馬國明亦須依電影合約所訂明在內地三個地方做宣傳，但由於馬國明最近正忙於拍攝新劇《流氓皇帝》，故最終只能抽出5月20日到北京出席首映禮，令電影公司有些不滿，幸馬國明在劇組一直表現甚佳，令導演陳勳奇決定「攬上身」力撐馬國明，向電影公司解話，令風波最終得以平息。
趕劇難抽空
對於馬國明未能跟大隊宣傳惹是非，導演陳勳奇表示：「佢因為工作關係唔能夠做足合約訂明嘅宣傳要求，係可以理解，馬國明係一個不可多得嘅好演員，我絕對會撐佢，已經同電影公司解釋咗，佢哋最終都明白，冇問題。」
馬國明對於自己未能抽出時間為電影作內地巡迴宣傳，亦甚表歉意，他謂：「明白藝人係有責任幫手宣傳，所以非常之唔好意思，咁啱開緊劇，每日都瞓得兩、三個鐘，20號（5月）嗰日，我哋係用咗好多方法先能夠度出嚟，好多謝導演同電影公司諒解。」
文：影視組