苟芸慧懶理Lynn 等戀愛瘦身
「苟姑娘」苟芸慧最近被指冧掂緋聞男友郭富城經理人小美，入城有望，更氣得城城舊愛熊黛林（Lynn）冷笑三聲，拋下「冧掂好勁嘅咩？」作回應。苟姑娘昨日承認與小美的確friend，但拒絕評論阿Lynn言論，直言要靠拍拖瘦身。
無綫藝人苟芸慧、何傲兒、葉翠翠及高鈞賢，昨日到商場出席《明珠絕色：狂野巴西》宣傳活動。苟姑娘雖修身未成功，但被指冧掂小美，入城有望，更氣得阿Lynn冷笑，對於她的言論，苟姑娘說：「可能佢唔係咁意思，我唔清楚佢意思，唔方便回應。（佢唔在乎你？）咁就好！做嘢係求氣氛好啫！（你同小美好friend？）OK！有啲工作交流，嗰次睇醫生咁啱撞到，唔好搞到咁複雜！（佢介紹醫生畀你？）都算係，但好多同事都有介紹我去。（城城都介紹你去？）唔係，唔關佢事，唔想每次都牽涉到佢。」
其後苟姑娘又打趣說：「我都想有新戀情，如果拍拖，我一定即刻瘦，因為會好在意對方點睇自己，會注意調理身體。」
何傲兒：家姐心情OK
何傲兒則指家姐何傲芝與蕭正楠甩拖後心情OK，她說：「呢件事令我哋屋企學識釋放自己，放開別人，先可以有平和心情。（傲芝之前放唔開？）唔係，係有太多嘢要回應，再答就沒完沒了。（家姐做咗『雙失』？）佢依家自由身，出面有工作搵佢，但佢話如果TVB有需要，一定幫手。（TVB唔要佢？）唔係話邊個唔要邊個，靜靜先囉，家姐唔擔心。」
文：影視組