蕭正楠認追翠如 何傲芝：邪不能勝正
蕭正楠（Edwin）與何傲芝的戀情似乎告一段落，因為Edwin昨晚破天荒於電視訪問中坦言正追求黃翠如，更非常愛護她，多次力撐她並非「小三」，指自己已單身一段時間。何傲芝昨晚卻於微博寫道：「邪不能勝正！」令事件變得更複雜！
蕭正楠（Edwin）與何傲芝的戀情一直不清不楚，日前就有指他與黃翠如因拍劇撻着，之後翠如更被拍得到Edwin寓所纏綿，令翠如慘成「小三」。翠如前日回應時，沒否認戀情，只叫大家給多點空間他們。昨日Edwin就於無綫節目《東張西望》訪問中坦言，正追求翠如。
Edwin受訪時說拍劇集《師奶Madam》時，覺得翠如很用心演戲，拍攝完畢二人仍有聯絡，感情愈來愈好，希望可發展，更叫大家祝福他們。
Edwin續說：「都算係破天荒喺鏡頭前追求女仔，都幾大件事，希望啲新聞唔好影響到佢（翠如），因為見到啲新聞形容佢係小三，絕對冇咁嘅事，我已單身一段時間，所有嘢都係發生喺我哋之間。」
勁讚純得交關
而Edwin昨晚七時許返電視廣播城拍劇集《商戰》，他受訪時全程維護翠如：「睇到報道，戥翠如辛苦，一個人面對件事，想出嚟講幾句說話。」他強調翠如是好女仔、好純，問二人拍拖未？他說：「大家都想，（唔係同何傲芝咩？）其實我單身咗好耐，但我唔想講以前，因為我唔鍾意講感情事，但最近雜誌對我哋有啲針對、負面，所以想幫翠如攞公道。」
對於被指與翠如在寓所纏綿，Edwin謂：「有啲過火，（同居？）冇可能。（傲芝係受害者？）佢未必係講呢件事，好多嘢都喺微博抄出嚟，呢排冇聯絡佢，你哋可以問佢。」他又指與傲芝仍是朋友。再問翠如的優點？Edwin含笑謂：「佢係宅男女神，我都係宅男！佢純得好交關，所以我先咁大膽。」問到翠如受網友歡迎，會否怕被批評，Edwin說：「要冒啲險！」
另外，傲芝昨晚在微博留言謂：「不想作任何回應，只是突然腦海中浮現一句：『邪不能勝正！』」看來事件並非Edwin說得那麼簡單。
文：影視組