許廷鏗減磅等晒肌
歌手許廷鏗昨日出席I.T旗下的ANNA SUI X Lab Made期間限定店開幕典禮時身形消瘦不少，他透露最近正積極減肥：「主要靠減食同做gym，依家將食物相放上網就當食咗。」為備戰稍後的音樂會，他的目標是多減十磅，更不介意到時騷肌晒成果。
問到受甚麼刺激要決心減肥？許廷鏗笑謂：「我要尊重自己專業，做牙醫肥少少最多係個肚腩頂住個客嘅頭，但做呢行，見到自己啲相咁肥都唔開心，有次見到自己張相，恤衫粒鈕逼到就快射出嚟，即刻放上網自嘲兼警惕自己。」對於鄭欣宜轉投新公司，他坦言前日才知情：「可能佢好多Auntie要交代，所以最後先通知朋友。會尊重佢決定，雖然唔同公司，但都會保持聯絡，我當佢係家姐，祝佢前程似錦。」