袁嘉敏等時機瞓身全裸

藝人袁嘉敏、曾國祥、泰臣及杜汶澤前晚出席電影《3D豪情》慶功宴,電影上映5日達七百萬票房,大會安排寫着「10000000」的刺身盤,望票房首周破千萬。袁嘉敏在戲中以lace內衣上陣,被問到是否其底線時,她說:「唔係,因為今次有啲L cup嘅女士(AV女優沖田杏梨),焦點都喺AV女仔度多啲,要等到時機啱,少啲人露嗰陣先露。(底線?)全裸都ok,三點都可以露,睇返劇本。」被問到若《豪情3》斟她全裸演出會否接受時,她謂:「睇片酬啦。(幾多位數片酬先全祼?)多啲囉,同埋角色要討好,演個吸引嘅女性,如果好似大嫂咁喺屋企掃地去露就唔好。」

阿澤希望此片能破《低俗喜劇》的3千2百萬票房,又確定表示《豪情》將在十月開拍第三集,他笑說:「因為大家都冇乜衫着嘅關係,所以唔可以過12月,天氣一凍就會毛管起!(原班人馬?)Facebook甄選緊,香港AV真普選,喺Facebook一人一like,暫時係麻生希領先,不過賽果好難講要睇後勁,我都唔想影響賽果。」