鍾嘉欣等結婚使男人錢
藝人鍾嘉欣（Linda）昨日出席渣打銀行（香港）有限公司的信用卡記招，分享旅遊心得。今個月已飛了來回八次的她，自爆常去旅行碌爆卡，更試過碌到六位數字！問到男友有否送附屬卡時，她笑言婚後先商量。
Linda昨日於渣打銀行（香港）有限公司的信用卡記者會上表示喜歡旅行購物，但經常碌爆卡，問是否簽帳額太低？她笑言不是：「已經每次加碼。過時過節就最易碌爆卡，因為要買嘢畀屋企人。」更試過碌到六位數！
男友送情侶戒
而Linda亦在會上大晒在韓國購入的戒指，指自己收過男友送的情侶戒：「呢啲通常都係男仔送。（依家個男朋友送？）唔講啦。（即係唔係？）唔講啦。」問到男友有否送附屬卡，Linda自稱喜歡使自己錢：「結咗婚先，結婚前最好都係財政獨立，婚後先商量。（商量開聯名戶口？）係呀。」同時她又覺得婚姻大事不能操之過急：「到其時就會有想法，我唔係一個好Plan嘅人。」
生日捐錢為善
而今日生日的Linda表示最想收到的生日禮物竟然是錢！原來她會在生日飯局時，準備一個捐款箱，叫到來的朋友隨心入款項：「想將收到嘅錢捐去孤兒院，已經搵到間o架喇。（喺香港？）係呀。」又自言未來想開慈善基金幫助有需要的人。
文：影視組