家輝嘆男星凋零霆鋒後繼無人

由張家輝、吳彥祖及新人思漩主演的英皇電影《魔警》昨晚在九龍灣舉行首映，英皇老闆楊受成及高層吳雨專誠撐場，其他出席者尚有安志杰、錢嘉樂、衞詩雅、鍾舒漫及男友吳浩康，湯怡及男友洪卓立，而彭于晏入場後則低調現身。

港女星機會唔夠

家輝及Daniel齊齊受訪，問到會否叫朋友及家人入場睇戲？Daniel表示太太Lisa S.身在美國，而電影屬警匪驚慄片，怕嚇親朋友，至於家輝則笑說：「我等個女18、22先啦！佢話22歲先睇我啲戲呀！因為我拍戲太多槍戰太多流血。」提到今次片種較沉重，Daniel希望下次可拍像《咖哩辣椒》般的動作喜劇，家輝即說：「咁我搵投資，你做編劇啦！」但兩人指在港做編劇及演員的人工遠不及荷里活。

《魔警》首映，星光熠熠。

張家輝、吳彥祖及思漩三位主角對新片寄望甚殷。

其後家輝笑言怕訪問太沉悶，提議傾「女人經」，提到最近不少年逾四十的女星復出，問到最想跟誰合作？他即賣口乖表示會揀太太關詠荷：「有邊個揀？梗係關詠荷啦！我答其他？你想收我檔咩！」Daniel則表示想揀西片《戰狼300》的女主角，但慨嘆香港女星機會不夠，家輝則說：「依家唔係香港電影業百花齊放嘅時候，謝霆鋒、余文樂之後都冇接班人喇！」

謝霆鋒	楊受成與太太專誠到場為家輝打氣。

衛詩雅開窿性感

此外，身穿背心短裙的衛詩雅腹部開窿略騷性感，她透露將行金像獎紅地氈，會揀一條拖尾裙，目標得到當晚的最佳服裝獎，問到戰衣是否性感？她笑說：「我覺得性感，你哋都唔覺嘅！我着咩都好似童裝咁！」

文：影視組