劉愷威要驚喜陪產剪臍帶

北上發展的劉愷威昨日回港出席無綫推介新劇《風雲天地》的活動，他透露內地女星太太楊冪現時懷胎六個月，初期偶有嘔吐，楊冪現留港待產並由其父母照料，很大機會選擇在港分娩。問到BB的性別時，他說：「我哋真係未知，因為想保存驚喜，所以都冇問醫生，內心都好掙扎，唔知下次產檢忍唔忍得住問醫生，自己初時希望係女，想有個小公主，依家就冇所謂，最緊要BB健康。」劉愷威又指屆時一定會陪太太入產房，若得到醫生批准，一定會為BB剪臍帶。