基仔踩車捉賊 閉門練爆粗

基仔、任達華、譚耀文及內地女演員思漩，昨聯袂英皇集團老闆楊受成，以及高層利雅博等出席新片《衝鋒車》記者會，場面熱鬧。男主角之一的吳鎮宇因病缺席，結果被華哥取笑「財多身子弱」。

出動私伙單車

華哥與鎮宇在戲中的性格可謂火星撞地球，不時拍攝吵架戲，聲音震耳欲聾，難怪華哥笑謂：「同佢鬧交鬧足30日，鬧到聲都沙埋，要飲蜜糖同雪梨水。鎮宇錢多又食好嘢，我懷疑佢今次食物中毒囉。」

乖乖仔的古巨基，竟為一部客串電影爆粗，認真專業。

楊受成與任達華預祝新片「滿堂紅」。

基仔於戲中奉旨飛單車捉賊，他透露事前接受過專業單車技術訓練，更對自己表現信心十足，他說：「依家都鍾意咗呢種運動，仲買咗部幾萬蚊嘅單車用嚟入鏡，拍戲空閒都有喺片場表演花式畀大家睇。」他指今次對白需要爆粗，自己惟有於家中苦練：「都算係一次突破，唸劇本時都會打電話去鬧吓人。其實鎮宇同華哥都有爆粗，不過我覺得聽落都幾順耳囉。」

思漩開工傷眼

思漩則透露拍戲期間曾傷及眼睛；至於譚耀文則自爆由於父親從事建築生意關係，自小便有機會與剛辭世的張耀榮飯聚，並大讚對方為人大方有義氣，自己正學習着面對生老病死。

文：影視組