子丹拍兩片收一億

甄子丹與黃百鳴等昨出席電影《葉問3》記招，子丹說有想過不再演葉問，但因世界各地太多粉絲要求，才決定演最後一次。有傳子丹以三千萬人民幣片酬接拍，他說：「三千萬Yen（日圓）？我一向好平，但片酬幾多唔講，講交情。」有指電影公司曾找演員頂替熊黛林，問子丹是否他出面才成功挽留，子丹強調一直都由熊黛林演葉問太太：「唔係事實唔想答，好荒謬。」子丹又被指欽點太太汪詩詩表妹湛琪清演出，他說：「仲荒謬，無根據。（傳洪金寶同你不和辭演？）愈來愈荒謬。老闆黃百鳴話佢檔期問題拍唔到，我話過佢唔拍我都唔拍，但最後黃百鳴搵咗師傅袁和平出山，我先拍。」黃百鳴昨透露《葉問3》製作費不設上限：「今次再同子丹合作，係以一億元簽約兩部片。」子丹回應說：「一億？Yen呀？哈哈。未收到錢呀！錢銀交番畀老婆，我唔清楚。」