賈思樂讚隨和：好似爸爸
殿堂級作曲家顧嘉煇昨日接受電話訪問，對於張耀榮逝世大表惋惜，問他與對方相處逸事時，煇哥說：「突然諗唔起，但同佢合作過『煇黃演唱會』。」著名填詞人鄭國江昨日到教院獲頒榮譽院士，他大讚張耀榮推動樂壇不遺餘力：「紅館係因為佢先有咁大成就，佢亦培植咗好多後輩歌手，同時亦為前輩歌手提供咗好多同樂迷接觸嘅機會。」
此外，昨日葉振棠、露雲娜及賈思樂等出席風行唱片祝捷晚宴，席間大會宣布為馬航空難及張耀榮逝世默哀一分鐘。賈思樂讚張耀榮隨和：「多年前曾經同佢打過麻雀，好似爸爸咁。」葉振棠亦說：「80年代我喺大酒樓登台，耀榮叔會包兩枱捧場。」
