陳淑芬狂哭：前日仲開緊會
演唱會製作人陳淑芬透露昨晨收到張耀榮家人通知張生離世消息後難忍淚水，感到「好傷心、好難過、好震驚及難以置信」，前日下午還跟張生及其他製作人為暑假舉行的Summer Pop開會，當時大家還開心合照：「我哋開完會一齊食飯，夜晚又同拉姑（狄波拉）食晚飯，張生席間談笑風生，心情胃口都好好，估唔到分開唔到六小時已天人相隔！」
陳太形容張先生是藝人的「黃大仙」：「（他）有求必應，不論輸贏，甚麼演出也肯出錢出力，因而孕育了不少天王巨星，也培育了香港演唱會市場，影響整個華人社會的娛樂事業。」她謹代「演出業協會」向張生家人致以最深切慰問。
英皇主席楊受成亦稱：「我打過畀張太慰問，佢話張生尋晚同拉姑晚飯後，返屋企仲話要睇錄咗嘅TVB劇，一點幾上床瞓覺話唔係好舒服，點知兩個鐘頭後就走咗。」