任達華59歲牛一畀女圍吻
影帝任達華（Simon）昨日59歲生日，太太琦琦相約一班模特兒好姐妹歐陽妙芝、洪華、高軍等為他慶祝，眾人送上香吻，Simon艷福無邊。琦琦除安排了生日蛋糕、壽包外，還送了一粒四方形鑽石給老公，謂現在鑽石比買樓更保值。
琦琦為慶祝老公生日，特別悉心打扮，兩夫妻均着上牛仔情侶裝，再相約一班好姐妹與Simon於灣仔的酒家慶祝，給Simon一個驚喜。壽星公透露過往生日都低調處理，主要是與家人食飯，昨日十分幸運，原本昨晚要開工，劇組突然表示拍攝場地有問題要取消，令他可以與女兒慶祝，他開心說：「今日好難得，全城美女盡出。（有乜生日願望？）願望最緊要有奇蹟，最近好多唔開心嘅新聞，希望馬航奇蹟地出現，機上嘅人可以安全，我所有朋友都會為佢哋祈禱。」
收鑽石好過磚頭
而被問到琦琦送甚麼生日禮物，他說：「佢送咗一粒方形鑽石畀我，因為佢啲朋友話買鑽石好過買樓，其實最後粒石又咪係佢用。」在旁的琦琦笑着說：「佢冇鑽石，所以送粒畀佢，我都知最後係我用。（幾多卡？）心意啫，幾大都冇所謂。」至於愛女送甚麼？Simon甜笑說：「佢親手整咗張生日卡畀我，同埋今早送咗一束花畀我。」
妻讚超級美魔男
Simon雖然已59歲，但依然是城中保養得宜的型男，名副其實的「美魔男」，琦琦即說：「佢係超級美魔男。」Simon被問到「防腐」心得，他說：「我嘅保養心得係食少啲嘢，多做運動，特別係帶氧運動，可以令人精神啲，面部表情會靈活豐富啲。」
文：名人組