沈震軒炒車手腕骨裂

無綫劇集《使徒行者》自宣布開拍以來波折重重，影帝梁家輝開拍前表示受傷未能參演，其後森美因病辭演，沈震軒頂替及補拍其戲份，豈料前晚發生意外，Sammy在中環拍攝一場踩單車追賊戲時炒車，右手撐地導致手腕骨裂，劇組人員即送他往附近醫院照X光，昨日再入院鑲螺絲、打石膏及留院觀察，認真黑仔！

明天做手術

Sammy昨日接受電話訪問時仍相當樂觀，表示受傷當休息，但之後仍會負傷上台唱歌及繼續拍劇，問到是否覺得劇集多波折？他說：「都係，最慘係監製要安排過啲嘢。（個角色邪門？）又唔係！愈難愈要做好佢，希望劇集出街有大回響。」昨晚Sammy在微博交代情況：「剛剛做完電腦掃描，醫生也幫我做了詳盡的檢查，手術將會在星期五進行！謝謝各位的慰問！」

苗僑偉與梁靖琪在街頭繼續拍攝。

陳敏之相當關心拍檔沈震軒傷勢。

監製文偉鴻表示未有換角打算，Sammy會繼續拍攝近鏡部分，遠鏡及動作場面則由替身負責，對於劇集超期，他說：「原本要四月中拍完，依家要四月底後。（大家有冇怨言？）冇，好體諒，成Team人仲團結！」

三哥指黑仔

跟Sammy有大量對手戲的陳敏之表示事件令前晚另一場戲臨時取消，並對拍檔傷勢表示關心：「好在唔係個頭落地，否則仲慘！（拍攝超晒時？）都影響幾大，我要補拍好多戲，但依家咁陰功，大家要盡量撐住！」

此外，苗僑偉（三哥）及梁靖琪昨日在九龍城拍《使》劇，三哥亦指Sammy黑仔，問到會否拜神求順利？他說：「之前拜咗，拍動作戲受傷在所難免，做到就親身上陣，但我有啲撞車戲都用替身。」

文：影視組