AnaR.母愛湧現恨生仔
名模Ana R.昨日出席活動時，提到剛為人母的好友Cara G.，Ana雖然尚未探望對方，但看到她囡囡的照片，也忍不住大讚很漂亮，她又表示掛住Lisa S.的女兒，看來身邊朋友榮升媽咪級，已刺激起Ana的母愛。
名模Ana R.昨日出席活動時，提到剛為人母的好友Cara G.，Ana雖然尚未探望對方，但看到她囡囡的照片，也忍不住大讚很漂亮，她又表示掛住Lisa S.的女兒，看來身邊朋友榮升媽咪級，已刺激起Ana的母愛。
Ana R.和姚書軼昨日齊為MARC JACOBS 2014年春夏系列發布會擔任模特兒，問Ana知不知道白色情人節？她說：「知道呀！已經有人話畀我知。（會唔會同老公慶祝？）當然會啦，一齊食晚餐。（順便造人？）No！下年先啦，今年冇計劃，要等下。」問她有沒有探望剛為人母的好友Cara G.？她坦言對方產後都未有往探望，但有見過Cara囡囡的照片，大讚她長得漂亮：「我覺得每一個BB都好靚，佢哋嘅味道好香，仲成日好開心咁笑，嗰種笑容係發自內心。」問她若然懷孕，喜歡仔定女？她說想生仔先，因為可以保護妹妹，不過她覺得最重要還是BB身體健康。她還表示很掛念Lisa S.的囡囡：「Lisa唔喺香港，我好掛住佢囡囡，佢個肥面珠好得意！」
Jesper湊女公
其實活動開始前，產後不足兩星期的Cara與丈夫Jesper及囡囡恰巧路經活動場地，但當時Ana未出場，以致二人緣慳一面。一臉素顏的Cara與老公見到記者即友善打招呼，並企定定合照，Jesper負責用孭帶孭住熟睡中的囡囡，期間還親吻女兒，盡顯父愛。由於囡囡出世時曾因羊胎水入肺而一度要入住ICU（深切治療部），問囡囡現時情況如何？她笑指囡囡很好，是一個健康寶寶，並透露要趕去開會，說畢便離開。
姚書軼貓做伴
此外，同場的姚書軼被問到白色情人節會否感到孤單？她「哎吔」一聲說：「講呢啲？心碎呀！我依家唔係好lonely，半年前養咗隻貓叫Water，係水爺。」訪問期間她不停咳嗽，有氣管敏感的她之前患過肺炎，養了貓後才發現對貓也敏感，但她很愛Water，咳死也不會放棄牠。
文：名人組