楊愛瑾孖男友開餐勁作嘔

前晚Miki、官恩娜（Ella）、洪卓立（Ken）和吳浩康（Deep）等人同出席奧迪《新銳變蓄勢在弦》派對，派對在室外舉行，Miki無懼寒風以大露背裙現身，搶盡風頭。

早前她被影到撇甩男友郭永淳，與鬍鬚男撐枱腳食飯，有備而來的Miki淡定地否認有新歡，直言男友都識對方：「大家都知唔係真，我識咗佢好耐，只係朋友，佢嗰日請我食生日飯。」為表清白，她更稱不會避見對方：「我哋真係識咗好耐，佢嘅工作我都知。（了解佢多定男友多？）梗係男朋友啦！」

官恩娜龜速有理

Miki又自爆和男友食生日飯食到嘔：「我哋去食西餐，不過之後嘔番晒出嚟，懷疑係隻蠔嘅問題。（有BB先會作嘔？）嘩！咁都拉到嚟講，一定唔係啦！」似乎仍未想生小朋友。

官恩娜眼見靚車當前，也有意換車。	楊愛瑾與男友郭永淳拍拖多時，仍未想生BB。（資料圖片）	洪卓立（左）、吳浩康不約而同留鬚。

同場的Ella透露有意換車，因其父覺得她的座駕不夠硬淨安全，大可叫男友送？Ella說：「屋企得一個車位。」曾被封為「龜速」車手的她自辯該次龜速行車是想一看記者追攝的情況，她不想有意外才慢駛。

吳浩康補鑊過節

至於同樣名草有主的Ken和Deep竟然忘記昨日是白色情人節，Deep立即補鑊說：「做完嘢去準備吓。」與湯怡拍拖多年的Ken已相約一大班朋友在家食飯，他說：「開心嘅每日都係情人節，最多我洗碗同畀錢買嘢。」

文：音樂組