張曼玉傾到唔願走

最近被指戀上比自己年輕15載Band仔的張曼玉，日前相約朋友到中環一間酒店晚膳。至凌晨1時許，眾人醫肚後步出，一身型格打扮的曼玉與朋友邊行邊傾，雞啄唔斷，全程笑容滿面。行到酒店門口，她熱情地逐一跟友人擁抱道別，不過攬完之後仍未捨得走，當代客泊車員將其座駕駛至，她又再跟友人傾多一會，才彈吓彈吓去取車。曼玉從手袋掏出貼士給泊車員後，再和友人傾多兩句才上車走人。