藝人鄭俊弘日前為晚宴擔任嘉賓，於獻唱期間，一名女粉絲上台獻花時，突攬實鄭俊弘兼錫面。不少「弘粉」見狀後大表激動，紛紛留言說：「實在太猖狂！此女太過分！」昨日本報記者致電鄭俊弘，他說：「當時都幾驚訝，第一次畀粉絲錫，不過都冇乜嘢嘅，佢又唔係做出啲傷害我嘅行為。」網上「弘粉」的留言是否過激？鄭俊弘說：「冇話激唔激，始終其他粉絲都係出於保護我嘅心態。而嗰位女粉絲可能太興奮，控制唔到當時嘅心情啫！」