林峯爆森美拍戲吃力
藝人苗僑偉（三哥）、林峯、梁烈唯（唯唯）和梁靖琪（Toby）日前在新蒲崗拍攝電視劇《使徒行者》，吸引不少街坊圍觀。現場所見，三哥和Toby主要在由七人車改成情報車上拍攝，阿峯和唯唯的戲份雖然未拍到，但二人都一早到達現場準備。而Toby更需要親自駕車，只見她明顯消瘦不少，她說要減肥操肌。
要補拍對手戲
早前森美因健康理由辭演此劇，三哥承認感突然：「唔知咩事，同佢都拍咗幾場對手戲，都要補拍，但唔緊要嘅，身體緊要嘛！」阿峯期待與森美的首次合作，現亦覺可惜：「同佢拍咗一場戲，發覺佢都好攰、好吃力，最緊要身體健康。」
近日天氣時冷時熱，三哥說早前試過凍到講唔到嘢：「佘詩曼成塊面起晒雞皮，不過大家可以輪流休息放假，都唔算拍得好辛苦。」
「最緊要開心」
對於「崢澤戀」公開後，黃宗澤（Bosco）、楊崢負面新聞多多，與Bosco非常老友的三哥和阿峯都說沒有過問，三哥說：「男未婚女未嫁，唔好畀壓力佢啦，等佢自由發展，最緊要開心。」此外，昨日沈震軒到電視城拍《使》劇，他說全無壓力：「個角色係我拍劇以嚟最重戲份嘅，反而覺得開心，同陳敏之又合作多次，默契唔成問題，唯一希望佢唔好着咁高嘅高踭鞋，否則我都要着高少少嘅鞋先襯到佢！」
文：影視組