Eason講生仔：佢興奮亂噏

陳奕迅（Eason）與徐濠縈昨日以情侶裝出席時裝設計師何志恩（Johanna）新店開幕，問到是否收友情價出席，Eason說：「吓！要收錢嘅咩？咁friend唔使啦！有靚衫送畀我得啦。」及後，他突然自爆去年諸事不順唔開心：「諗番係唔順。（條氣定工作唔順？）兩樣，今年順番，社會變緊，自己成日又神經質。」

兩公婆好sweet

Eason重提新年落機黑面一事說：「唔係特登發脾氣，但晏晝點幾兩點（用相機）閃個女唔好。」提到阿徐早前話「生十個都得」，他說：「佢興奮得滯諗嘢唔清楚，做藝術嘅人有啲唔理智，唔會思前想後。（嚇親？）好多嘢都唔識驚，慢慢嚟，我哋好sweet，着到孖公仔咁，好似little twin star，我就嚟染埋粉藍色頭！」不過他也認為女兒有弟妹照應比較好！

楊千嬅已經好fit，仍要繼續減磅。

右起：Eason、阿徐齊賀時裝設計師何志恩新店開幕。

千嬅努力減磅

楊千嬅與丁子高、琦琦、馬詩慧、鄭希怡、葉佩雯與郭偉亮等均有撐場，千嬅將為電影宣傳，正努力keep fit，現已減五磅，目標是減十五磅：「老公成日去跑山，要型！我跟唔到，但都有一齊做gym減肥，大家互相影響。」何志恩對於Eason不收酬勞，她說：「係呀，真係碌盡人情卡。」提到Eason兩公婆穿情侶裝，她笑說：「係我安排，難得夫妻檔梗係要啦！」

文：名人組