蜜運王菀之認間中同居
王菀之與鄭中基前晚現身旺角戲院，為主演電影《金雞sss》謝票。由於被傳與男友Eric So已發展至同居關係，王菀之面對記者連串追問，她靦覥向鄭中基求助：「不如你講吓嘢啦。」場面搞笑。事後她大方承認：「間唔中一齊（住），大家都忙嘛。（話你黐身？）嗰張相我隻手其實搭住手推車。（視對方為結婚對象？）每段感情都希望開花結果。（求咗婚？）冇講呢啲嘢。」
對於票房接近4千萬港元，鄭中基相當雀躍：「古天樂話咗3千8百萬佢謝票。（吳君如承諾咗分紅？）食餐飯咪得囉。（話搵你拍『金鴨』喎？）有講過，咁古仔就係『鑽石鴨』囉，係都冇咁快拍。」王菀之即插口：「有冇我份？大家拍得咁開心，君如又話請大家去日本旅行。」