陳慧珊「爆缸」澄清冇受家暴

日前被拍得面有傷痕的陳慧珊昨日擔任無綫節目《燭光晚餐》嘉賓，眉頭黐上膠布的她解釋，早前不慎被車門撞到「爆缸」，事後搵美容醫生縫針，陳慧珊指傷口位置多血管，因此相信不會留疤痕。對於被指她遭受家暴，陳慧珊怒斥報道過分：「我諗冇人會信，大家知我同老公嘅關係點，唔需要講出嚟畀大家聽，我冇嘢需要遮掩，最緊要啲影迷知我冇事，做呢個節目係想畀大家知我okay。」
被車門撞傷的陳慧珊否認受家暴。
被車門撞傷的陳慧珊否認受家暴。

同場的好友蔡少芬自爆照顧細女時，大髀不慎被滾水燙傷而留下兩撻疤痕。另黃日華父親病危求見兒子一面，曾與母親關係決裂的蔡少芬昨透過電話回應：「我湊女冇留意華哥家事，我都不便畀意見。」

蔡少芬因照顧細女而被滾水燙傷大髀。
  • 蔡少芬因照顧細女而被滾水燙傷大髀。