黃日華繼母心灰：還番個老竇畀佢哋
本報昨日揭開黃日華與身在醫院的父親因繼母而導致父子關係疏離，昨日黃父第二任妻子到醫院探望丈夫時一度激動表示想離婚將黃父歸還給黃日華，不過她又不捨夫妻多年情表示多年盡力照顧丈夫，更指只想黃日華及其家人見一見黃父，盼圓黃父唯一心願，而多日未有回應的孫女黃芷晴就以「忍論」來回應事件。
藝人黃日華的84歲父親黃桂日前因發高燒入院，本報日前報道黃父第二任妻子劉煥珍前往公立醫院探望丈夫時，哭訴黃日華及其家人自2009年後就未曾前往探望老父，顯示關係疏離。雖然多日未有就此事表態的黃日華到截稿前仍未有回覆，但女兒黃芷晴昨日就在Instagram寫道：「有些痛，忍忍就過了，有些麻煩，忍忍就解決了，有些話，忍忍就不想說了。」
公屋屋契加名
昨日劉煥珍如常準時到醫院探望黃父，並給其餵予稀粥，雖然黃父沒有胃口未有進食，但見他比前日精神並肯飲水。她自揭與黃日華關係變差原因除了華哥認為她意圖霸佔黃父的公屋外，更與其銀行聯名戶口有關：「黃伯之前個戶口係同佢個大女聯名，入面有廿幾萬，但結咗婚之後就取消佢個女個名，改為同我聯名，所以佢哋嬲咗我。」
她又承認黃父的東頭邨公屋屋契上有加上她的名字，問到是否黃伯自願加名時，她說：「等佢清醒再問番佢啦，依家我講乜都畀人話唔算數，啲街坊成日都問黃伯，黃日華幾時嚟探佢，問到佢哋都死晒。」
從冇過問身家
不過她強調自己在大陸有車有屋，更曾經做生意，嫁給黃父時亦從未過問黃父有幾多身家，故不會貪黃父的錢，她又指黃伯大女的女兒曾叫黃伯跟個「鄉下婆」離婚，將公屋放棄並歸還政府，直接住老人院。她激動說：「我已盡力照顧佢，佢哋想要番間屋咪畀佢囉，我頂唔順喇，我想離婚返大陸，還番個老竇畀佢哋！」
劉煥珍又糾正指黃日華除了在她與黃父結婚時給了二千蚊作為人情外，更曾在過去的13個月，每月過數二千五百蚊到黃父的戶口作生活費，問到其後中斷的原因，黃太說：「黃日華話一個仙都唔會畀去照顧埋我呢個女人，但我從未問佢攞過一蚊。」
文：影視組