超盈化身粉絲效髮GaGa
【劉慰思巴黎報道】賭王何鴻燊四房千金何超盈前日代母梁安琪到巴黎欣賞時裝騷，期間巧遇偶像Lady GaGa，超盈頓時化身成小粉絲，大讚對方有style及有創意，就連髮型也似足對方！
何超盈前日於巴黎出席Atelier Versace 2014春夏高級訂造服時裝騷，她以一身醒神sharp色打扮現身，與品牌董事總經理Giuseppe Oliveri交談甚歡外，期間更接受外國時尚節目訪問。樂壇百變天后Lady GaGa亦有出席時裝騷，設計師Donatella Versace更親身出外迎接，吸引大批傳媒拍照。其他嘉賓有Givenchy創意總監Riccardo Tisci、時裝設計師Azzedine Alaia、時尚雜誌Vogue意大利版總編Franca Sozzani、著名潮人黃偉文（Wyman）、洪永時夫婦及星級化妝師Alvin Goh等。
超盈接受訪問時，表示今趟巴黎之旅會欣賞六場高級訂造服時裝騷，而這場騷更是代表媽咪梁安琪出席：「之前同品牌酒店方面簽咗約，都有同品牌設計師Donatella Versace傾偈，我覺得佢好nice、好friendly，有同佢合照。」至於有否交流穿衣心得，她說：「都係傾酒店事，但都有帶佢品嘗澳門美食，佢最鍾意食萄撻。（會唔會叫佢幫你設計高級訂造服？）睇吓有冇機會。」
曾在港碰面
超盈又表示Lady GaGa是自己其中一個喜愛的歌手，她說：「我之前都見過Lady GaGa，嗰次佢喺香港舉行演唱會，我都有去後台同佢合照。」當記者指她直髮造型似足Lady GaGa時，她表示只是跟隨2014年的髮型潮流：「其實我都好鍾意睇佢嘅music video，覺得佢好有style同創意。」
文：名人組