盛品儒攪新女 陳霽平送祝福

盛品儒出席晚宴後攬着白裙美女離場。

盛品儒（James）感情生活一向多姿多采，緋聞女友猶如車輪轉一樣，早前更有指他翻撻陳霽平，兩人更不時行街睇戲。不過，原來James感情生活又有新發展，前晚心情大靚的他出席完晚宴活動，不避嫌攬着一位穿白色晚裝裙的靚女離場，兩人攬腰兼頭貼頭看來十分親密。

擰歪面避鏡頭

行出門口後，James遇上朋友打招呼閒聊，女伴即乖乖站在一旁等候，待James傾完偈之後，兩人再「黐頭芒」般繼續貼着行，當上車之際，James與女伴發現記者拍照，即刻很有默契地彈開，女方上車更擰埋面避鏡頭，記者問盛品儒是否有新女友？略帶醉意的他表示：「唔係唔係！」跟着，還扯開話題：「我之後工作有新發展，有消息再講。」跟着便上車離開！

女伴與盛品儒發現記者拍照即時彈開。	放大圖片	陳霽平對James攬新女伴並不感愕然，更大方送祝福。

盛品儒緋聞女友陳霽平對James夜攬女伴，不感愕然，還表示：「無問題，我同佢係好好嘅朋友，我都想佢拍拖，如果係真，我祝福佢！」

文：影視組