鍾嘉欣為生BB拒絕豐胸

鍾嘉欣、Mandy Lieu、羅霖、李蕙敏、汪圓圓、汪詩詩等前晚悉心打扮出席晚宴，嘉欣作60年代打扮配合大會主題，原來服裝是20歲時拍劇的戲服，她說：「好開心條裙仲着到，幾忙都會去做facial，依家上咗年紀真係要保養。」嘉欣BB被問到可會考慮豐胸？她笑說：「唔使啦，我幾有信心、size幾好。（生完BB身材會走樣？）呢個係上天送嘅禮物，我會顧咗BB先。（幾時生BB？）最好35歲前。（有冇商量過？）冇喎，不過會婚後先生，依家忙工作。」她早前公開撐緋聞男友伍允龍新片，是否打算公開戀情？她說：「朋友開個唱或者有戲上，我都會支持，知道佢拍戲辛苦，希望同佢再睇多次。（佢攞獎就結婚？）遇啱timing就結，依家工作至上。」

Mandy自駕遊

Mandy Lieu以露背裙示範「影後」風采，透露返馬來西亞過年，還會與舊同學駕車環島遊。問她可擔心有危險？Mandy笑說：「希望返嚟大家見到我。契媽都擔心，但有男士都放心，之前有朋友喺馬來西亞揸車畀人打劫，仲有朋友嘅姐夫險些被綁架。」問到同行男友人有否發展機會？Mandy說：「同佢由細玩大，要有晨早就有，細個時佢仲話我醜樣。」

Ana R.吊帶短裙，夠索！

李蕙敏唔急生Ｂ，先調理好身體。

羅霖「放盤」

新婚的李蕙敏被問到是否準備生BB，她說：「依家準備個唱順道調理身體，呢個年紀有就有，唔趕嘅，心情好、狀態好，BB先開心。」羅霖自爆三月將正式離婚兩年，笑稱現時終於可結識異性，又自爆不乏追求者但被她拒絕。

伍允龍	Mandy穿露背裙示範「影後」風采。	羅霖扮柯德莉夏萍，張國強似披頭四。

採訪：影視組