袁詠儀遭盜名呃錢 誓為農民追究
袁詠儀疑無辜捲入詐騙事件中，昨日她接受訪問，仍怒火中燒，直言有人盜用她的肖像及名字開連鎖時裝店，正循法律途徑追究一切，更對有農民受騙，大感憤怒，希望盡快揪出騙徒！
袁詠儀（靚靚）前晚於微博轉發一則新聞，可見圖片有農民拉橫額指遭她與關之琳聯合騙去血汗錢。靚靚昨就事件接受訪問，透露約一年前有人透過內地經理人聯絡希望成立品牌合作，靚靚對於合作事宜感興趣，遂跟對方見過一面，但之後再沒有接洽，當時她不太在意，但一段時間後，有朋友告知，有人以她以及關之琳名義在內地開連鎖時裝店，靚靚遂跟對方聯絡並準備告對方盜用肖像及名字，惟對方卻以家人患重病為由求情，令靚靚心軟最終沒追究。
漠視人權法律
怎料，對方卻變本加厲，繼續在其他省份開設分店，靚靚得知後，決定請經理人透過法律去追究此事，並預計在農曆新年期間開庭，但未開庭，就發現有農民被騙事件，靚靚得知後大表憤慨，並謂：「連農民嘅血汗錢都呃，真係好嬲，要追究到底，件事用咗我個名，但一啲都唔關我事，唔明白點解有人可以漠視人權同法律，盜用人哋嘅肖像，周圍咁招搖撞騙，呢種事絕對唔可能喺香港發生！依家我公開呢件事，希望大家可以幫我人肉搜尋，搵番嗰個人出嚟，我會追究到底！」
文：影視組