趙嘉懿囝囝預知做哥哥
已育有三歲多兒子Marcus的模特兒趙嘉懿（Carrie）宣布再度有喜，現懷有四個多月身孕，為免BB小器，將保密功夫做足，連囝囝都唔知。她表示兒子像有感應：「佢好似知我有咗咁，佢話我肥咗，仲摸我個肚問我係咪有咗，之後佢竟然叫我睇醫生驗吓，我三個月後就同囝囝講，佢就好得戚答我，我都話你有咗啦！」Marcus每天上學前都會錫她的肚皮與BB說再見，又說：「Marcus收到禮物都話唔要，留番畀BB，又不時走埋嚟同BB講嘢話『Hello sweetie』。」
另外，Carrie昨日在將軍澳超級市場入貨，購買牛奶、尿片和水果，濕平過後，她到了附近的公園休息和做拉筋運動。記者上前恭喜Carrie再度懷孕，她笑得見牙唔見眼：「多謝你呀，我都好開心！終於可以喺微博、facebook同Instagram公布畀朋友知。」
