石修北京開工帶「御廚」

藝人石修昨於銅鑼灣維園出席北京同仁堂產品分享會，以黑超Chok爆出場的修哥於受訪時表示已連續第四年擔任其代言人。其後問他早前如何度過除夕？聲沙沙的他自爆於北京拍劇凍到「失聲」：「當時零下十一度，我貼到成身暖包都唔掂，凍到我失咗聲。拍到最後兩日，我忍唔住同老婆講『我未試過拍得咁辛苦，我捱唔住喇』！（老婆做跟得夫人陪你？）係呀，佢要煮飯畀我食（囝囝陳宇琛Sam咪冇飯食？）佢就開心啦，我哋出咗去冇人煩佢。」