江美儀升Cup益男友
江美儀在劇集《名媛望族》中的「黑絲誘惑」受到廣告商垂青，最近以近七位數酬勞，為矯形內衣褲公司擔任代言人。試驗了兩個月矯形胸圍的美儀成功升Cup，昨受訪時笑稱最大得益當然是男友吳君祥：「男友係我經理人又係用家， 係佢幫我接呢個廣告！」
對於身材，美儀向來都很自豪，拍廣告前未有瘦身：「我向來都瘦，只係試用咗矯形胸圍兩個月，升咗一個Cup，依家好夠用，呢輯相好健康，所以以留為紀念。」雖然首次露肉拍廣告，但美儀毫不扭擰，毋須清場並表示不覺尷尬：「團隊好專業，影咗好多套，個客鍾意我『黑絲』個Feel！」
而其男友吳君祥坦言這是健康的性感，更以近年日本流行「貧乳一族」來讚美女友：「好多Model都係平胸，美儀身材好平均，仲有個『霹靂籮』！（女友賣肉不介意？）我哋好大方嘅！」