栢之晒5卡鑽戒放盤求愛
張栢芝與謝霆鋒離婚後，感情生活備受關注。元旦日，栢芝與兩個兒子行商場，見她食指戴上五卡大鑽戒，可惜，並非新歡所送，栢芝還直言自己單身冇對象，聖誕節更因兩個兒子陪爸爸謝霆鋒，自己要單拖過節，靠煲黃子華劇集解悶！問到新一年大計，擁有不少追求者的栢芝笑言2014年會放盤，事業方面，她亦會隨兩個兒子返學而全情投入，新一年全方位重新出發，努力讓事業、愛情來一個大躍進！
張栢芝早前被指於新加坡度假期間，獲兩名「新歡」肌肉男Hero及外籍男Leo埋身追求，可惜全部都未能成功得到她歡心。元旦日，已返港的栢芝帶着兩個兒子Lucas、Quintus逛商場過節，被傳媒撞到正，還發現栢芝食指戴了一隻五卡大鑽戒，問她是否新男友送的新年禮物？栢芝笑言：「有男友送就唔止五卡啦！我自己買嚟送畀自己，（五卡鑽戒是否過百萬？）哈哈，我隻手細啫，一卡咋！」
孤零零煲劇
記者再追問栢芝是否有新男友？心情不俗的她搞笑地表示：「我都想，我依家係單身，2014年放盤呀，想追我就打去1083（電話查詢號碼）啦！」
霆鋒早前已承認兩個兒子會在新加坡讀書，而今次栢芝趁兩個兒子放新年假回港，問她可有安排兩個仔去探嫲嫲拉姑？栢芝表示：「有，今年聖誕兩個仔去咗同爸爸（謝霆鋒）、嫲嫲（狄波拉）一齊過，亦見過爺爺，聖誕嗰兩日我自己一個人喺屋企煲黃子華嘅《My盛Lady》，聖誕咁嘅安排（指兩個仔去陪爸爸、嫲嫲）都係開心事嚟嘅！」
傾工作安排
因為希望兩個兒子在零壓力下成長，霆鋒與栢芝決定送Lucas、Quintus到新加坡讀書，栢芝早前更在當地打點一切，不過，栢芝對兩個兒子的安排不願透露半句，更揚言希望大家畀空間兩個小朋友。前日她陪完兩個兒子行街後，先回家安頓好愛兒，便與經理人公司老闆余毓興見面傾談新一年的工作，據知，隨着兩個小朋友返學，新一年栢芝將會全面投入工作，除會推出新唱片外，還會接拍電影、電視劇，實行全方位重新出發，希望2014年各方面都有新的開始。
文：影視組